Ang bagyo nga Jenny (internasyonal nga ngalan: Koinu) mikusog ngadto sa usa ka severe tropical storm sa Dominggo sa buntag, Oktubre 1, 2023, ug magdala og kusog nga ulan sa Luzon ug Visayas, sumala sa Philippine Atmospheric, Geophysical, and Astronomical Services Administration (Pagasa).
Alas 10 sa buntag kagahapon, si Jenny nasigpatan nga naa sa 790 kilometro silangan sa dakbayan sa Tuguegarao sa Cagayan, dala ang kusog nga hangin nga moabot sa 95 kilometro matag oras duol sa sentro ug paghuros nga moabot ngadto sa 115 kph.
Nag-irog kini padulong sa amihanang-kasadpan sa 15 kilometros matag oras, uban sa hangin nga moabot og 95 kph duol sa sentro ug huros nga moabot og 115 kph.
“Jenny will continue to enhance the southwest monsoon and bring occasional to monsoon rains over the western portions of Central and Southern Luzon, Visayas, and Mindanao in the next 3 days,” sumala sa Pagasa. / RRM