Dako na ang kausaban sa dalan sa Unit 1 ug Unit 2 sa Carbon Public Market, Barangay Ermita, Cebu City sa nagpadayon nga pagpalambo sa maong dapit nga kabahin sa Carbon Market Modernization nga proyekto.
Base sa kuha sa hulagway kagahapon, Agosto 30 milapad na ang agi-anan sa maong area.
Kini human nga ang Kagamhanan sa Dakbayan sa Sugbo nihimo og clearing sa mga stall nga nag-alirong sa gawas nga bahin sa maong merkado.
Ang operasyon gipahigayon niadtong Hulyo 15 ug 18.
Gibana-bana nga 80 ka mga manindahay nga sakop sa Cebu Market Vendors Development Cooperative (CEMVEDCO), ang apektado sa demolisyon. (FVQ, hulagway ni Amper Campaña)