Kanhi mitahan, sikop sa drug bust

DRUG surrenderee sikop sa buy-bust operation niadtong Domingo sa alas 12:30 sa udto sa Barangay Tuyom, dakbayan sa Carcar.

Si Rolden Daclan, 32, ulitawo watch list ug drug surrenderee gipusasan human nakuhaag 7 ka putos sa shabu.

Si PO2 Celso Yanong, sa Carcar Police Station nga nahinabi sa Superbalita Cebu nagkanayon nga mipalit og usa ka pakite nga shabu nga mobalor sa P200 ang ilang mga operatiba ug dihang nitunol kini, gipusasan kini.

Gibutyag niini nga taudtaud na nga gi-monitor nila ang maong drug surrenderee human nasuta nga mipadayon sa ilegal nga kalihukan. GPL