USA ka negosyante nakalingkawas sa Coronavirus disease 2019 (Covid-19) nga nahimong person under monitoring (PUM), nadakpan sa buy-bust niadtong Sabado sa gabii, Abril 18, sa Barangay 1, lungsod sa Tuburan, Sugbo.
Ang nasikop mao si Joel Fernandez, 48, dunay kapuyo nga negosyanteg alahas, taga Bliss, Barangay Labangon, dakbayan sa Sugbo.
Si PSSgt. Elvin Rivas sa Tuburan Police Station nga nahinabi sa Superbalita Cebu, nagkanayon nga nakuhaan og 11 ka putos sa shabu ang dinakpan lakip ang P200 nga buy bust money.
Matod sa pulis, ang negosyante nga si Fernandez, nakita diha sa Tuburan uban sa iyang kapuyo niadtong Marso 24, apan na-PUM siya.
Mipaubos siya sa home quarantine ug nahuman na.
Apan sa pag-monitor sa kapulisan ang maong negosyante duna diay laing negosyo sa ginadiling drugas hinungdan gi-buy-bust. (GPL)