Gidakop sa Bureau of immigration (BI) ang Amerkano nga nag-viral tungod sa pagpangasaba ug pag-atake sa usa ka delivery rider sa dakbayan sa Sugbo.
Sa usa ka pamahayag sa Lunes, Marso 13, 2023, si Immigration Commissioner Norman Tansingco niingon nga ang mga operatiba sa BI Intelligence Division nisikop niadtong Marso 1 sa 43-anyos nga si Phillip Justin Bean sulod sa iyang lawak sa hotel sa Barangay Day-as, dakbayan sa Sugbo.
Matod niya 11 na ka buwan nga nag-overstaying si Bean sa nasod.
“BI records reportedly showed that his last extension of stay was on April 7, 2022, thus he already overstayed his tourist visa by 11 months,” matod ni Tansingco.
“He has no right to verbally and physically abuse a Filipino. His actions show that he is abusing the hospitality of our country. He should be deported for being an undesirable alien,” dugang niya.
Ang opisyal niingon nga si Bean ilegal usab nga nagtrabaho isip duty manager sa usa ka bar sa dakbayan sa Sugbo.
Matod ni Tansingco nga maapil si Bean sa immigration black list aron dili na makabalik sa Pilipinas. (TPM sa SunStar Philippines)