Kapitolyo mopalit og bugas, ibaligya’g barato

File Photo
File Photo

Mogahin og moabot P100 milyunes ang Kapitolyo a­­lang sa pagpalit og bugas nga ibaligya og barato ngad­to sa kalungsoran sa Probinsya sa Sugbo.

Kini maoy gipahibalo ni Garcia atol sa joint meeting sa Provincial Development Council (PDC), Provincial Peace and Order Council (PPOC), Provincial Anti Drug Abuse Council (PADAC) ug Provincial Disaster Risk Reduction and Management Council sa Oktubre 6, 2023.

Ang maong lakang agi og tubag sa nagpadayon nga pagsaka sa presyo sa bugas sa nasod.

Matod ni Garcia nga ibalik niya ang Tindahan sa Kapitolyo nga usa ka one-stop-shop alang sa labing mga nagkinahanglan o kabos nga ma-identify sa Municipal Social Welfare and Development Office (MSWDO) ug kadagkoan sa Lalawigan.

Ang NFA nga bugas maoy paliton sa Kapitolyo ug ibaligya og tag P25 matag kilo.

Gawas sa NFA, laing P100 milyunes usab ang gilaraw ni Garcia nga igahin alang sa pagpalit og commercial rice nga ibaligya usab sa mas ubos nga presyo.

Apan gikatakda pa nga makigsabot siya sa mga manindahay og commercial rice.

Gilaraw nga sugdan ang ma­ong programa sunod semana.

Kon masugdan na ang maong programa, mahimong makapalit ang matag pamilya og tag lima ka kilo sa matag semana.

Una na nga nipatuman og Bugasan sa Kababayen-an ang Kapitolyo diin gigahinan og tag 10 ka sakong NFA rice ang tanang barangay sa Probinsya, diin makapalit usab og mas barato nga bugas ang mga kabos.

Apan aron mapalapdan ang programa, gusto ni Garcia nga mogahin og lugar ang mga lokalidad diin maplastar ang tindahan sa Probinsya. (ANV)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph