Kapitolyo mopasabot sa Tesda nganong bawion ang luna

File photo
File photo

Gikatakda nga i-presentar sa Technical Education and Skills Development Authority (TESDA) ang mga gustong mahitabo sa Kapitolyo alang sa luna nga gipanag-iya niini nga kasamtangan nga nahimu­tangan sa buhatan sa Tesda Region VII.

Si Cebu Governor Gwendolyn Garcia nagkanayon nga nakigtagbo kaniya si Technical Education and Skills Development Authority (TESDA) Director General, Secretary Suharto Mangudadatu, aron mahisgutan ang plano sa Ka­gamhanan sa Probinsya sa luna niini nga anaa nahimutang sa dakbayan sa Sugbo.

“I really needed to convince him nganong kinahanglan nga mag win-win mi kay ang Tesda property diha is no longer viable, commercial level II nana. Dili na gyud na insakto ilang pagkabutang. Legally, lisod ilang position kay NMYC man na nato gi donate, dili man Tesda, unya wala naman ang NMYC,” matod ni Garcia.

Human sa National Food Authority (NFA 7), laing pito ka mga sangang buhatan sa nasudnong ahensiya sa gobiyerno ang gitinguhang pabalhinon sa Cebu Provincial Government aron magamit ang luna nga ilang giokupahan duol sa I.T. Park sa dakbayan sa Sugbo, usa niini ang Tesda.

Sa inisyal nga pakighinabi ni Garcia sa pangu sa Tesda, ang gobernador niingon nga iyang gipasabot nga ugaling dili gyud mopahawa ang buhatan sa luna sa Probinsya, mapugos siya sa pagsang-at sa maong hisgutanan ngadto sa korte.

Hinuon, iyang gihimug-atan ang pagtimbang sa sitwasyon alang sa final nga desisyon pinaagi sa mahisgutan nga solusyon nga masabutan sa duha ka mga habig.

“Its either we go to court unya taas na ni. Hopefully the Tesda board will agree kay he did say iya gyud i-present ang position nako, maong niari siya. I needed to see how passionate Governor Garcia is about this and I said yes I am. This is not for me, para ni sa mga probinsyano. I hope we could arrive at a win-win situation,” matod ni Garcia.

Gipasabot ni Garcia nga ang gihimong pagbawi sa Probinsya sa mga propriedad niini, pagpangandam alang sa umaabot nga henerasyon sa lalawigan, pagdepensa sa korona isip labing dato nga probinsya sa nasod, ilabi na sa assets niini. 

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph