Sibulan Negros Oriental - Tanang personnel sa Bayawan City Police station giparelibuhan sa katungdanan ug gibalhin sa Negros Oriental Police Provincial Office (NOPPO) headquarters sa Dumaguete city samtang nagpadayon ang manhunt operations batok sa uban pang mga mamumuno ni anhing Negros Oriental governor Roel Degamo nga miangin sa walo pa ka mga kinabuhi.
Sa Martes, Marso 7, 2023, nipagawas og kamandoan ang Police Regional Office (PRO 7) nga adunay pagtugot sa Camp Crame nga parelibuhan sa katungdanan ang tanang personnel sa Bayawan City police station ug gihulipan sa mga pulis gikan sa nagkalainlaing police station ubos sa NOPPO.
Matud ni Police Lieutenant Colonel Gerard Ace Pelare, spokesperson sa Special Investigation Task Group (SITG) Degamo, nga nipadala na sila og team paingon sa dakbayan sa Bayawan aron motrabaho sa nahabiling gimbuhaton sa gipanghulipan nga mga personnel.