Kawatan misiaw, ka-3 milungkab

Gilungkab sa ikatulong higayon ang Langtad Elementary School sa Brgy. Langtad, lungsod sa Argao, habagatang Sugbo.

Nasayran kini sa mga nagdumala sa tunghaan sa pag-abli sa unang adlaw sa semana sa tingklase, alas 7:00 sa buntag sa Lunes, Oktubre 9, 2023.

Duha ka mga lawak sa grade 5 ang nalungkab, diin dunay biscuits sa usa ka lawak nga nawala samtang sa ika­duhang lawak naguba ang bintana a­­pan way nakuha. Gilungkab usab ang automatic tubig machine apan way nakuha nga kuwarta kay kada hapon kuhaon sa nagdumala ang kita niini.

Unang pagpanglungkab nahitabo sa classroom sa grade 4 niadtong Agusto ning tuiga diin usa ka unit sa flat TV ang nakuha.

Sa samang buwan, gilungkab ang la­wak sa grade 6 diin nawala ang kuwar­ta, mga lipstick ug perfume sa mga ma­es­tra, chocolate, ug ubang tools. (DVG)