Ang Sangguniang Laiko ng Pilipinas (Laiko) nanawagan sa mga layko sa nasod sa Biyernes, Oktubre 13, 2023, nga mag-ampo alang sa kalinaw sa “Holy Land,” ang Israel ug Palestina, duha ka mga estado nga daghang nakalas sa matag habig tungod sa pagtumaw sa kagubot.
Sa usa ka pamahayag sa Laiko, ang tanang Katoliko giawhag nga maghiusa sa pag-ampo alang sa kalinaw nga mohari sa “”Holy Land.”
“The attack on the people in that land is shocking and surprising, and we need to pray harder now for an end to the conflict, and a pathway to peace,” sumala sa pamahayag sa Laiko.
“We, the Sangguniang Laiko ng Pilipinas, appeal to our brothers and sisters in the diocesan councils of the laity, ecclesiastical communities, national lay organizations, and all Catholic lay people, to join us in praying for peace in the Holy Land,” dason sa pamahayag.
Kini isip tubag sa Laiko sa apelasyon ni Pope Francis sa tanang magtutuo nga maghiusa sa pag-ampo.
“We join all believers as we pray with one heart and one soul with Pope Francis,” dugang sa pamahayag.
Ang grupo nagkanayon nga sila masaligon nga ang Ginoo maminaw sa Iyang katawhan nga nag-ampo alang sa kalinaw.
“We know that our prayers will be answered, and peace will reign,” dason sa pamahayag.
Sa miaging semana, ang militanteng grupo nga Hamas nilunsad og dakong pag-atake sa Israel gikan sa Gaza Strip.
Agi’g tubag, gideklarar sa Israel ang usa ka estado sa gubat ug gilusad dayon ang usa ka dako nga pag-atake batok sa Hamas. (HDT / SunStar Philippines)