Lalakeng patay, nailhan na

NAILHAN na ang lalaki nga napalgang patay sa Sitio Capasanan, Barangay Casili, dakbayan sa Mandaue, niadtong Biyernes sa gabii, Abril 19.

Niadtong Dominggo sa gabii, Abril 21, giila sa kabanay sa biktima, nga kini mao si Niño Rosos Alburo, 26, minyo, taga barangay Bacawan sa lungsod sa Daan Bantayan.

Matud ni Police Colonel Julian Entoma, direktor sa Mandaue City Police Office, nga dali sila nihimo og pagpakig-alayon sa kapulisan sa Daanbantayan alang sa pagsusi sa background sa biktima.

Wala kini bati nga record sa ilang lugar, apan sa gihimo nga lawom nga pakisusi, aduna silay nakuha nga nagpangalan og usa ka 'Niño Alburo' nga nalambigit sa drug lord sa Mandaue nga napriso niadto sa Mandaue City Jail, kinsa giila nga si Jeffrey Tumulak alyas ‘Kumander Ejep’. (FMD)