LALAKI nga nagtindog daplin sa dalan samtang nanigarilyo ang gipusil ug gipatay diha-diha dayon.
Ang biktima giila nga si Chad Christian Noval, taga Barangay Alang-alang, dakbayan sa Mandaue.
Nahitabo ang pagpamusil, alas 6:40 Sabado sa buntag, Disyembre 15, sa dalan C.D. Seno, duol sa usa ka mall sa Barangay Tipolo, dakbayan sa Mandaue.
Sa pasiuna nga pakisusi sa Subangdaku Police Station nga ang nipusil sa biktima, lulan sa usa ka motorsiklo, usa ka backrider sa maong motorsiklo.
Padayon pa sa imbestigasyon ang mga pulis pagsuta kon si kinsa ang mga mamumuno ug unsay motibo sa krimen.