Chinese national ug driver niini nasikop sa National Bureau of Investigation (NBI) Cebu District Office human giingong ni-detain ug namun-og sa iyang mga trabahante tungod kay wala makaabot sa quota sa giingong online scam.
Ang mga suspek nga sila si Jhang Jia Ming, alyas Dixon Zhang, ug driver niining si Ian Naces Diabordo nasikop sa NBI 7 sa usa ka subdivision sa Brgy. Banilad, Cebu City sa Septiyembre 20, 2023.
Gipahibaw ni Bienvenido Panican, executive officer for operations sa NBI-7, ang kapuyo sa langyaw nga usa sa mga biktima nisumbong sa buhatan nga gipaubos sa illegal detention ang iyang 25-anyos nga live-in partner sukad pa sa Septiyembre 5, 2023.
“According to the evidence that we have gathered kaya nila dinetained sya dahil ayaw nya sumunod sa utos ng boss nya na mang scam. Gusto nyang umalis sa trabaho nya but he was not allowed to leave,” matod ni Panican.
Mga ngan sa biktima ug kapuyo gipugngan ning mantalaan.
Sa taho sa GMA 7 Balitang Bisdak, ang kapuyo niasoy nga Septiyembre 6 iyang nakita ang biktima nga bun-og na sulod sa usa ka van su’d sa subdivision.
Nianang Septiyembre 7 nipadangat kini kaniya og mensahe nga duna lang siyay “aayusin.”
Human niini, dunay mga higayon nga manawag kini apan kadiyot lang.
Si Zhang pasakaan og kasong serious illegal detention samtang si Diabordo ikiha og illegal possession of firearms nga may kalapasan usab sa Comelec gun ban human makuhai og armas.