NAVAL, Biliran - Gi-serve udto sa Miyerkules, December 5, ang warrant of arrest batok sa langyaw nga pari sa Naval, Biliran gumikan sa kasong pangmolestiya didto gawas sa nasud.
Si Fr. Kenneth Pius Hendricks, 78, gidakop sa mga sakop sa United States Homeland Security of the US Embassy uban sa Bureau of Immigration Fugitive Search Unit ug kapulisan sa Naval.
Ang pagsikop nahitabo mismo sud sa Dioscese sa Naval Biliran diin gidawat ni Fr. Hendricks ang warrant nga giluwatan ni US Magistrate Judge Hon. Stephanie K. Bowman.
Human sa pagsikop gidala sa Biliran Provincial Hospital ang pari aron mapa medical ug dalhon gilayon sa kaulohan.
Emosyonal ang ubang residente sa Naval sa pagkasikop sa pari gumikan kay nagtuo sila nga di mabuhat sa pari ang pasangil.
Si Fr. Hendricks gipasanginlan nga mi molestiya sa 50 ka tawo diin sagad mga sakristan sa simbahan. (JKDP)