Luna sa PC Hills ‘bawion’

■ PC HOUSING: Ang entrada sa PC Hills sa Cebu Veterans Drive (padulong sa Marco Polo Hotel), Brgy. Apas, dakbayan sa Sugbo nga housing sa mga personnel sa kanhi Philippine Constabulary (PC) nga karon giila nang PNP nga gidonar sa Kapitolyo. / Ariel o. Itumay
■ PC HOUSING: Ang entrada sa PC Hills sa Cebu Veterans Drive (padulong sa Marco Polo Hotel), Brgy. Apas, dakbayan sa Sugbo nga housing sa mga personnel sa kanhi Philippine Constabulary (PC) nga karon giila nang PNP nga gidonar sa Kapitolyo. / Ariel o. Itumay

Laing luna sa Barangay Apas, dakbayan sa Sugbo nga mao ang PC Hills nga gipanag-iya sa kagamhanan sa probinsya sa Sugbo, maoy sunod nga atimanon sa mga manlalaban sa Kapitolyo aron mabawi human wala na magamit subay sa unang nasabutan.

Dili uyon si Cebu Governor Gwendolyn ‘Gwen’ Garcia nga mahimong libre ang paggamit sa kapulisan sa naasoy nga luna ug buot niya nga pabayran kini sa mga nag-okupar sa lote, sumala sa pamahayag gobernador nga napatik sa Sugbo News nga gidumala sa Kapitolyo.

Duha ka mga lote nga giokupar sa Philippine Constabulary (PC) Hills nga gidonar sa probinsya sa Sugbo niadtong sa 1959 aron mamahimong barracks ug headquarters sa kanhi PC, karon Philippine National Police (PNP) na.

Wala na ang PC busa gusto sa gobernador nga bawion sa probinsya ang luna o ang balor niini sanglit nahimo na lang kini nga kapuy-an sa mga opisyal sa kapulisan sa rehiyon.

Una nang nakigtagbo si Police Brigadier Eduardo Vega kang Garcia diin siya nisaad nga lihukon ang reversion ug pagpahibalik sa mga lote sa PC Hills.

Atol sa tigom, gipresentar sa Kapitolyo kon nganong mahibalik sa probinsya ang Lot No. 1157 nga may gidak-on nga 25,962 metro kwadrado ug portion sa Lot No. 1158 nga may gidak-on nga 25,583 metros kwadrado sa PC Hills.

“What if we withdraw the case and allow us to use the PC Hills. (What will you do with the occupants?) They will just remain there,” matod ni Vega pinaagi sa Sugbo News.

Nakasuwat sa 1959 Deed of Donation, kon dili na gamiton sa PC ang luna, mamahimo na kining ibalik sa probinsya sa Sugbo.

Subay niini, gisugyot ni Garcia nga mosulod og bag-ong kasabutan alang niini.

“So let’s enter into a Memorandum of Understanding. Anyway, these are also former enlisted men sa PC. So, ako as I said I don’t want to cause too much anguish. You’ve been there for years and years. Sa akin lang, the province has to be justly compensated for the lot. You cannot get that lot for free but its of no moment because you will be dealing with the National Housing Authority, with Pag-IBIG where they have a very very liberal terms of repayment. Well it will be the NHA and Pag-IBIG that will pay the Province of Cebu,” asoy ni Garcia.

Sa kasamtangan, nahimo na nga living quarters sa mga opisyal ang PC Hills apan sagad sa namuyo sa palibot mga informal settler ug tigpatigayon.

Sa nasayran sa 2020, giingong kapila na mipadala og ultimatum si kanhi Police Regional Office (PRO) 7 Director Albert Ignatius Ferro pagpapahawa sa informal settlers apan nagmagahi kini.

“Well everything is possible if we are not fighting each other it's better to try and reach com-mon ground,” matod ni Garcia pinaagi sa Sugbo News.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph