Mag-uuma nadakpan sa ronda sa kapulisan sa alas 11:30 sa buntag sa Biyernes, Abril 14, 2023 sa usa ka marijuana plantation sa Sitio Quo, Brgy. Gaas, lungsod sa Balamban, Sugbo.
Ang suspek giilang si Victor Abadenas Paran, 44, taga Sitio Hunop, Brgy. Gaas, Balamban.
Si Police Lt. Col. Glenn Hife, hepe sa Balamban Police Station nga nahinabi sa Superbalita Cebu, nagkanayon nga nakadawat sila og report nga si Paran nagpadayon sa iyang pagpananom sa marijuana.
Matod ni Hife, nga uban nila sa joint operation ang Naval Forces Central, Philippine Drug Enforcement Agency (PDEA 7), Police Drug Enforcement Group-Specia Operations Unit (PDEG-SOU 7), Regional Intelligence Unit (RIU 7) ug 1st Provincial Mobile Force Company (PMFC) sa Cebu Police Provincial Office (CPPO).
Naibot sa kapulisan ang 3,612 ka fully grown nga marijuana nga mobalor og P1,444,800.
Ang kapulisan nagbilin og duha ka punoan sa marijuana nga gidala sa Balamban Police Station alang sa inventory ug ebidensya.
Gidauban nila ni Hife sa lugar ang 3,610 ka punoan. (GPL)