Magtutudlo sa Himamaylan gipatay

CRIME SCENE: Gisusi sa kapulisan sa Himamaylan City ang dapit diin gituohang nagtago ang mga mamumuno nga ming-ambush sa magtutudlo ug iyang bana. / HIMAMAYLAN CITY POLICE STATION
CRIME SCENE: Gisusi sa kapulisan sa Himamaylan City ang dapit diin gituohang nagtago ang mga mamumuno nga ming-ambush sa magtutudlo ug iyang bana. / HIMAMAYLAN CITY POLICE STATION

Magtutudlo nga magsilbi unta nga electoral board support staff alang sa 2022 national ug local elections karong Mayo 9, 2022 gipusil-patay sa Himamaylan City sa Negros Occidental.

Ang tigpamaba sa Western Visayas nga si Lieutenant Colonel Arnel Solis miingon nga gipusil sa wala mailhing mga mamumuno si Mercy Miguel sa Himamaylan National High School mga alas 8:30 sa gabii sa Dominggo, Mayo 8, sa Barangay Caradio-an.

Matod niya nga sakay sa motorsiklo si Mercy uban sa iyang bana dihang mihunong sila tungod sa nagkatag nga mga bato sa yuta. Unya gipamusil sila sa wala mailhing mga mamumuno.

Nakaangkon og samad pinusilan sa tiyan ang maestra, samtang wala maunsa ang iyang bana.

Nagpadayon ang imbestigasyon, matod ni Solis.

Gikondenar sa Department of Education ang maong insidente.

“Though it is unclear yet if such brutality was election-related, we denounce any acts of violence and injustice towards our teachers, who have dedicated their lives to the Filipino children and are now selflessly serving the country in this year’s election,” matod sa pamahayag sa DepEd.

“We extend our deepest condolences to the bereaved family and friends of the victim... We call on the local authorities in Negros Occidental to deliver swift justice for such heinous crime against our dearly departed colleague. Likewise, we reiterate our call to our partner agencies, especially the Philippine National Police and the Armed Forces of the Philippines to protect our teachers, poll workers, and voters,” kini nidugang.

Si DepEd Secretary Leonor Briones niingon nga iyang gimanduan ang ilang finance department sa paghatag og pinansiyal ug uban pang gikinahanglang tabang sa pamilya sa biktima.

Si Lt. Colonel Reynante Jomomacan nisulti sa Sunstar Bacolod nga ila nang gisalikway ang anggulo nga duna kini kalabutan sa eleksiyon.

Bisan kon ang ig-agaw og tagsa ni Miguel usa ka kandidato, ang magtiayon wa malambigit sa pulitika o nangampanya, labina nga ang biktima kawani sa kagamhanan, tataw ni Jomomacan.

Ang Himamaylan City Police Station padayon pang nag-establisar sa tinud-anay nga motibo. (APN, TPM sa SunStar Philippines)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph