HUMAN sa upat ka oras nga pagtagotago, si Roy Vincent Gopuco nitahan sa iyang kaugalingon kinsa ipusil-patay sa iyang manghod.
Didto kini unang niduol sa iyang abogado ug nagpatambag unsay iyang buhaton ug ang abogado na usab niini ang ni ala kampo sa Cebu City Police Office (CCPO), pasado alas siete sa milabayng gabii.
Matod ni Sr. Supt. Joel Doria, hepe sa CCPO, nga nagmahay ang suspek nga iyang napatay ang iyang manghod nga si Chris Gerald, 44.
Giingong ningitngit ang panan-aw niini ug wala na masayod nga iya nang napusilan ang biktima nga miresulta sa kamatayon niini ug giangkon niya ang salaod.
"Sabi ng abodado nya nagdilim daw ang paningin nya kaya nagawa nya yun," matod ni Doria.
Gipaubos na sa paraffin test ang duha ka kamot sa suspek atubangan sa iyang abogado apan wala na ma turn-over ang gigamit niini nga armas nga kalibre 9mm.
Sa wala pa motahan si Roy Vincent, ang asawa sa biktima nag andam kini'g P100,000 alang sa makatug-an sa nahimutangan niini.
Apan kay nitahan kini, matod ni Doria, walay mahatagan sa reward money. (AYB)