Mananagat dili na makaduol sa Scarborough Shoal sa WPS tungod sa ‘babag’ sa China

Ang Chinese Coast Guard (CCG) nagbutang og floating barriers sa habagatan-­sidlakang bahin sa Bajo de Masinloc (BDM) sa Scarbo­rough Shoal sa West Philip­pine Sea (WPS), nga nag­pugong sa pagsulod sa Filipino fishing boats, sumala sa Philippine Coast Guard (PCG) sa Dominggo, Septiyembre 24, 2023.

Sa usa ka pamahayag, ang PCG ug ang Bureau of Fisheries and Aquatic Resources (BFAR) “kusganon nga gikondenar” ang pagbutang sa floating barriers, gibanabana nga 300 metros, sa mga lugar nga nadiskubrehan atol sa pagpahigayon sa naandan nga maritime patrol niadtong Septiyembre 22.

Ang PCG nagkanayon nga tulo ka rigid hull inflatable boats (RHIBs) sa CCG ug service boat sa Chinese Maritime Militia ang nagbutang sa floating barrier sa pag-abot sa BFAR vessel sa palibot sa shoal.

Giingon niini nga upat ka mga barko sa CCG ang nagsugod sa usa ka serye sa 15 ka mga hagit sa radyo sa pagsulay sa pag-abog sa barko sa BFAR ug mga FFB, nga nag-i­ngon nga kini usa ka paglapas sa internasyonal nga balaod ug sa lokal nga mga balaod sa People’s Republic of China.

“It was reported by the Filipino fishermen that the CCG vessels usually install floating barriers whenever they monitor a large number of Filipino fishermen in the area,” matod sa PCG.

“The BFAR vessel responded to each and every radio call and emphasized that they were carrying out a routine patrol within the territorial sea of BDM,” dugang sa PCG.

Ang BFAR namahayag nga 50 ka Filipino fishing boats ang nag-operate sa maong lugar atol sa naandang maritime patrol.

Ang PCG miingon nga ang pagbutang sa floating barriers naghikaw sa mga mananagat nga Pilipino sa ilang mga kalihokan sa pagpangisda ug panginabuhian.

Matud pa nga ang CCG vessels nagpabilin nga luwas nga gilay-on ug sa ulahi mibalhin sa ilang pagkaamgo sa presensya sa media personnel sakay sa BFAR vessel.

Ang Scarborough Shoal kay bahin sa West Philippine Sea, nga giangkon sa China.

Ang China nagpadayon sa pag­salikway sa 2016 arbitral ru­ling, nga nag-invalidate sa ilang nine-dash line theory nga nag­langkob sa halos 90 por­syen­to sa WPS. / SunStar Philippines