Mananagat nga namana nalumos sa Alegria

Wa na matabang pa sa mga rescue team sa Municipal Disaster Risk Reduction and Management Office (MDRRMO) sa lungsod sa Alegria ang usa ka mananagat nga namana apan wa na makatunga og balik sa ibabaw sa Huwebes sa gabii, Septiyembre 21, 2023.

Base sa initial nga imbestigasyon ni Police Senior Master Sergeant Alexander Lerio, police investigator on case, under direct supervision sa ilang hepe nga si Police Capt. Alexius S. Tangub, nasuta sa Superbalita Cebu nga kini nahitabo sa kadagatan sa Brgy. Poblacion, Alegria, Sugbo.

Matod ni Lerio nga ang biktima namana, nisawom sa 15 metros nga giladmon sa dagat, apan wa na makatunga sa ibabaw.

Hinungdan nga ang iyang mga kauban nangayo og tabang sa mga sakop sa Philippine Coast Guard ug sa Algeria MDRRMO.

Dali nga gipahigayon ang search and rescue operations ug nakaplagan ang biktima nga diha sa ilawom sa dagat.

Ila nang nahaw-as gikan sa dagat ang biktima, gisuwayan siya sa pagtabang apan namatay gyud. / DVG