Kapin sa oras ang State of the Nation Address (Sona) ni Presidente Ferdinand “Bongbong” Marcos Jr. sa Batasang Pambansa Complex sa dakbayan sa Quezon, alas 4:07 ngadto sa alas 5:18 sa hapon, Lunes, Hulyo 24, 2023.
Nag-unang sa iyang taho ang kalamboan sa ekonomiya nitala og tubo nga 7.6 percent sa 2022, diin iyang gipasigarbo nga labing taas sulod sa 46 ka tuig.
Gisunod ang amendment sa Fishery Code nga nangayo siya og suporta sa paghimo niini nga “in harmony with the environmental balance.” Dason niya, kinahanglan base sa science-based methods.
Si Marcos niingon nga ang gobyerno nagtinguha sa pagpausbaw sa lokal nga produksiyon sa agrikultura sa nasod pinaagi sa “konsolidasyon, modernisasyon, mekanisasyon, ug pagpaayo sa mga kadena sa bili nga gidugangan sa tukma sa panahon ug na-calibrate nga importasyon, kon gikinahanglan.”
Nanawagan siya sa publiko nga pangandaman ang El Niño ug gipasalig nga andam ang gobyerno alang niini. Siya niingon nga ang gobyerno makapatuman og cloud seeding kon gikinahanglan.
Gipaniguro niya nga ang gobyerno magpadayon dili lang sa pagdugang kondili pagpalapad pa sa mga proyektong imprastraktura nga makatabang sa katawhang Pilipino.
Matod niya, pinaagi sa Build Better program sa gobyerno, ang gobyerno molihok aron makonektar ang mga isla sa nasod pinaagi sa paghimo og mga dalan ug taytayan, ug uban pang mga proyekto sa imprastraktura.
Dugang niya nga ang physical connectivity infrastructure naglangkob sa 83 porsiyento sa Build Better program, apan iyang gipasalig nga ang paggasto sa imprastraktura sa nasod magpabilin sa lima ngadto sa unom ka porsiyento sa Gross Domestic Product (GDP).
EDUKASYON
Giila ni Marcos nga kinahanglan nga palig-onon ang literasiya sa nasod, ug gipasalig nga ang gobyerno naghimo og mga programa ug proyekto aron mapalig-on ang edukasyon sa nasod. Siya miingon nga ang tertiary education magpabilin nga libre alang sa mga kwalipikado nga mga estudyante.
Si Marcos niingon nga ang maritime education sa nasod gipalig-on aron mapalig-on ang posisyon sa nasod isip global maritime hub. Matod niya, ang pangutana bahin sa pag-ila sa European Union sa mga sumbanan sa pagbansay sa Filipino seafarers sa kataposan nasulbad na human sa 17 ka tuig.
TABANG MEDIKAL
Ang gobyerno nanghatag og medikal nga tabang alang sa mga kabus nga pasyente pinaagi sa Department of Health.
Matod niya, gitubag ang kakuwang sa mga doktor ug nars pinaagi sa mga reporma sa edukasyon, pagbansay ug pagsiguro sa ilang kaayohan. Iyang gipasalig nga mas daghang doktor ang ipakatap sa mga probinsiya diin gikinahanglan ang mga doktor.
Gipasalig ni Marcos nga ipagawas ug ipang-apud-apod sa gobyerno ang Covid-19 health emergency allowance ug uban pang benepisyo.
“Upang masuklian ang gikinahanglang sakripisyo sa atong health workers sa pribado ug publikong mga ospital niadtong miaging pandemiya, ipapamahagi na sa kanila ang Covid health emergency allowance ug uban pang mga nabinbing pagsulay,” dugang niya.
DIGITALIZATION
Gipasiugda ni Marcos nga ang digitalization mao ang “tawag sa karon, dili sa umaabot.”
Siya niingon nga ang digitalization mosuporta dili sa data-driven ug science-based nga desisyon sa gobyerno dili lang sa pagpausbaw sa kasayon sa negosyo kondili sa pagpakigbatok usab sa graft and corruption.
Si Marcos misaad nga adu-nay dugang nga mga pag-uswag samtang ang mga imprastraktura sa internet gipaagi sa pag-upgrade. Lakip sa iyang gihisgotan mao ang overseas Filipino workers, bahin sa kalamidad, amnestiya sa mga rebelde ug drug war.