Marcos miila kang Ople, mga OFW,mag-uuma nga modernong mga bayani

President Ferdinand Marcos Jr. (Photo from Bongbong Marcos Facebook)
President Ferdinand Marcos Jr. (Photo from Bongbong Marcos Facebook)

Si Presidente Ferdinand “Bongbong” Marcos Jr. niila niadtong Lunes, Agusto 28, 2023, sa halangdon nga kontribusyon ni anhing Department of Migrant Workers Secretary Susan “Toots” Ople ingon man sa ubang modernong bayani, sama sa mga mag-uuma, overseas Filipino workers (OFWs) ug mga magtutudlo.

Sa iyang pakigpulong atol sa commemorative ceremony alang sa nasod sa pagsaulog sa National Heroes Day sa Libi­ngan ng mga Bayani sa Taguig City, si Marcos nitumbok kang Ople nga maoy usa ka hingpit nga ehemplo sa usa ka tinuod nga bayani samtang iyang gipahinungod ang iyang kinabuhi sa pagpalambo sa kaayuhan sa mga Pilipino nga nagtrabaho. sa gawas sa nasod aron mahatagan og maayong kinabuhi ang ilang mga pamilya.

Namatay si Ople kaniadtong Agusto 22 sa edad nga 61.

Siya gihaya sa Malacañang sa Lunes sa buntag ug gipahigayon ang necrological service, nga gitambongan ni Marcos ug pipila ka mga opisyal sa gabinete ug gobiyerno.

Naghilak nga nahinumdom si Marcos sa kinabuhi ni Ople ug sa iyang kontribusyon sa nasod.

LINEMAN

Giila usab ni Marcos ang kabayanihan sa usa ka electric lineman gikan sa Bacolod City, kinsa nakalahutay sa bagyong Egay ug mitahan sa iyang kinabuhi sa pag-ayo sa naguba nga mga wire sa kuryente aron malikayan ang mas dakong kapeligro sa makuryentehan ingon man usa ka mag-uuma nga misungasong sa grabeng kahimtang sa panahon ug ekonomiya aron maseguro ang malampuson nga ani.

Giila usab sa Presidente ang bayanihong buhat sa usa ka magtutudlo nga naningkamot dili lamang nga mahimong maayong magtutudlo kon dili usab mahimong mapailubon ug malahutayon nga multi-tasker.

Gihisgutan usab niya ang usa ka magtutudlo nga mitabang sa usa ka tigulang nga silingan nga nanginahanglan sa panahon sa dagkong mga sunog sa Maui, Hawaii.

Giila usab ni Marcos ang mga OFW, kansang mga remittance padayong nagsilbi nga lig-on nga haligi sa gross domestic product (GDP) sa nasod taliwala sa Covid-19 pandemic sa Pilipinas. / TPM sa SunStar Philippines

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph