GIAPUD-apod ug gipataod na sa Cebu City Transportation Office (CCTO) ang mga dashboard camera nga gipalit sa Cebu City Government para sa public utility jeepneys.
Si Francisco Ouano, operation chief sa CCTO nga nakataod sila og labing daghan 80 ka mga PUK kagahapon gikan sa tulo ka venue.
Ang mga drayber sa PUJ nidala sa ilang unit didto sa Block 27 sa North Reclamation Area, South Gate 3 sa Vestil road ug buhatan sa CCTO sa Ramos Public Market.
Si Ouano niingon nganaabot ang 1,000 ka dash cam wala pay eleksyon apan ilang gihuwat nga mahuman ang piniliay aron di sila mapasanginlan nga namulitika ug epektibo pa ang election ban.
“Matod sa mga driver nga atong nahimabi nga nalipay sila kay sa higayon nga adunay disgrasya dili na maglalis kon kinsay sad-an ug safety sad sa mga pasahero kay atubangan man ug likod ang kuha sa camera,” padayag ni Ouano.
Ang Cebu City Government nigahin og P5 milyones para sa 1,000 ka dashcam para maka-record sa mga panghitabo sa karsada.
Si Mayor Tomas Osmeña nipapalit og dashcams sanglit makatabang kini sa pagsulbad sa krimen labi na sa pagkusog sa riding-in-tandem niadtong tuig 2018. (PAC)