Mga lumolupyo sa PC Hills hayan ikiha og ejectment

Cebu Governor Gwendo­lyn Garcia. (Hulagway kuha sa Sugbo News)
Cebu Governor Gwendo­lyn Garcia. (Hulagway kuha sa Sugbo News)

Mopasaka na og kaso si Cebu Governor Gwendolyn Garcia batok sa mga namuyo sa luna sa Probinsya sa PC Hills sa Barangay Apas, dakbayan sa Sugbo sa tinguhang pagbawi niini human wala na mahisubay sa unang nasabutan ang paggamit sa mga lote.

Kini human nihatag na og pagtugot ang Hunta Probinsyal kang Garcia sa paghimo sa maong lakang.

Si Bokal John Ismael “Jiembo” Borgonia nga maoy nangamahan sa resolusyon, nibutyag nga giaprubahan sa way paglangay ang maong resolusyon atol sa regular session niini sa Marso 6, 2023.

Matud ni Borgonia nga ang luna mao ang PC Hills nga gipanag-iya sa Kagamhanan sa Probinsya sa Sugbo, nga gustong bawion sa Kapitolyo tungod kay wala na magamit subay sa unang nasabutan.

Duha ka mga lote ang giokupar sa Philippine Constabulary (PC) Hills nga gidonar sa Probinsya sa Sugbo niadtong sa 1959 aron mamahimong barracks ug headquarters sa kanhi PC, karon Philippine National Police (PNP) na.

Kini naglangkob sa Lot No. 1157 nga may gidak-on nga 25,962 metro kwadrado ug portion sa Lot No. 1158 nga may gidak-on nga 25,583 metro kwadrado.

Katunga nga bahin sa Lot 1158 sa Banilad Estate gidonar ngadto sa Third Philippine Constabulary (PC) Zone niadtong Septiyembre 15, 1959 sa panahon ni kanhi gobernador Jose L. Briones.

Apan nakasuwat sa 1959 Deed of Donation, kon dili na gamiton sa PC ang luna, mamahimo na kining ibalik sa Probinsya sa Sugbo.

Sa kasamtangan, ang luna sa Third PC Zone wala na gamita isip headquarters ug barracks sa kapulisan apan gihimo na hinuong officers quarters sa PNP Regional Office 7 nga laing kalapasan sa deed of donation.

Si Borgonia nidugang nga posibleng kaso may kalabutan sa recovery of possession o ejectment ang ipasaka.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph