NAKUHA sa closed-circuit television (CCTV) camera gawas sa barangay hall sa Cubacub ang pag-agi sa gituohang mga suspetsado nga nipusil-patay sa businessman nga si Yi Feng Guo Yang diin nangaangol ang duha ka mga anak niini niadtong Dominggo sa gabii, Hunyo 16.
Duha ka mga lalaki nga nagmotorsiklo ang nag-unsa L300 van nga gisakyan sa mga biktima samtang laing duha nga nagmotorsiklo ang nagsunod sa mga biktima.
Gihulagway ni Police Colonel Julian Entoma, hepe sa Mandaue City Police Office (MCPO), nga 70 metros gikan sa barangay hall sa tungason nga dapit giingon nga unang namusil ngadto sa atubangan nga dapit sa sakyanan ang nag-una nga duha ka mamumuno.
Padayong gisubay kun robbery-murder o murder-robbery ang maong kaso, human nga giingong gikuha sa usa sa mga suspetsado ang bag sa businessman. (FMD)