TALIWALA sa haze sa Sugbo, gisugdan sa Cebu Academe Network (CAN) ang ilang Annual River Summit aron gamiton ang mga estudyante sa kolehiyo sa nagkadaiyang unibersidad sa Sugbo sa pag-atiman sa mga sapa.
Ang CAN, usa ka network sa mga higher education Institutuons (HEIs) sa Sugbo nga ang nag-unang adbokasiya mao ang pag-atiman sa kahimsog ug malungtarong palibot nga nagsentro sa kasapaan.
Kini ang ikawalo nga tuig sa summit nga gipahigayon sa University of Cebu- Maritime Education and Training Center sa Sabado, Septiyembre 28, 2019.
Ang tanan nga tubig nga gikan sa mga sapa konektado o modagayday ngadto sa dagat.
Maong si Oceana campaign manager Danny Ocampo nipaambit sa mga adbokasiya sa Oceana ug sa ilang mga kampanya.
Ilang giedukar ang mga estudyante sa nakapaalarma nga kahimtang sa kadagatan sa Pilipinas.
Base sa iyang presentasyon, ang Pilipinas ang ikatulo nga kinadak-ang nakaamot sa plastic sa kadagatan.
Nipaambit sab si Ocampo og dugang nga mga butang nga mahimong masugdan sa mga estudyante nga kabahin sa adbokasiya.
Siya niingon nga sa una adunay 3R; Reduce, Reuse, I Recycle, nahimo na kini nga 5R (Refuse, Reduce, Reuse, Recycle and Repurpose).
Karon, naghimo og lakang ang Oceana sa pakigtambayayong sa Sea and Terrestrial Environment Protectors (STEP) nga mahimong ilang ma-partner sa lugar sa Sugbo.
Ang STEP usa ka miyembro sa organisasyon sa UN Sustainable Development Solutions Network (UN-SDSN), nga naghatag og gahum ug inspirasyon sa umaabot nga mga lider aron makahimo og mga butang nga makatabang sa kalikopan.
“It is not climate change, it is climate emergency,” sigon ni Archetic Ma. Si Socorro Atega, direktor sa kalikopan sa Cebu Unity for Sustainable Water Foundation
Si Atega, usa sa speakers, nipaambit ngadto sa mga estudyante kabahin sa panag-uban sa pag-atiman sa kalikupan sa Sugbo. Gihisgutan sab niya ang mga hagit.
Sumala ni Atega nga ang Dakbayan sa Sugbo adunay matahum nga landscapes, apan kon lantawon kini sa layo makita nga ang mga sapa sa Sugbo hugaw na gyud.
Human sa mga pagpamulong, gisundan dayon kini og kompetitisyon sama sa environmental race, vlogging competition ug spoken poetry.
Ang maong kompetitisyon gitambongan sa mga tinun-an gikan sa 14 ka mga tunghaan sa Sugbo. (KFD)