Presensya sa huna-huna nakapalingkawas sa usa ka drayber sa motorsiklo sa kamatayon human wa siya maligsi sa dakong trak sa Biyernes sa buntag, Mayo 12, dihang na-slide ang iyang gisakyan sa nagpasad nga mga sealant sa viaduct sa Cebu South Coastal Road (CSCR), dakbayan sa Sugbo.
Naangol sa tiil si Jerome Beduya, 38, tungod sa iyang pagkalamba sa gutter sa taliwa sa karsada dihang nisaliring ug natumba ang iyang motorsiklo. Nasayran sa Superbalita Cebu sa dapit nga nahitaboan nga nag-ikis-ikis ang dagan ni Beduya samtang nagsunod ang tanker truck nga gimaneho ni Julius Divino, taga dakbayan sa Lapu-Lapu, tungod sa mga sealant.
Sa iyang pagkatumba, nakakapyot siya sa unahang ligid sa trak busa wa siya maligsi sa panguwahiang mga ligid apan naguroy siya og pipila ka metros una pa nakahunong ang sakyanan.