Nasikop sa kapulisan sa habagatang lungsod sa San Fernando, Cebu ang usa ka lalaki nga gipasanginlang nang-holdap og babaye sa Barangay North Poblacion sa samang lungsod Sabado sa gabii, Hulyo 29, 2023.
Si Major Mark Anthony Villanueva, hepe sa San Fernando Police Station, niila sa suspek nga si Melchor Cabaluna Geonzon, 38, residente sa Barangay Ward III sa silingang lungsod sa Minglanilla.
Gibutyag ni Villanueva, ang biktima nga si Elenita Genotiva, nitawag sa estasyonan pasado alas 11 sa gabii aron i-report ang pagpanulis.
Sa dihang ilang nakit-an ang suspek, siya niingon nga nakuha gikan sa iyang mga bulsa ang mga alahas sa biktima ug siyam ka pakete sa shabu.
Matod ni Villanueva, ilang gibanabana nga mokabat lang sa kapin sa P2,000 ang kantidad sa shabu. Matod niya, pasakaan si Geonzon og kasong robbery ug illegal drug possession.