Bayot gisikop human nag-shopping nga giingong wala mobayad sa Lunes ala 1:40 sa hapon, Enero 17, 2022 sa Brgy. Talisay, lungsud sa Sta. Fe, mga isla sa Bantayan.
Ang suspek giilang si Robinson Villacarlos, 26, taga Brgy. Lutopan, dakbayan sa Toledo samtang ang reklamante giilang si Job Illut, 33, minyo, negusyante.
Si Illut ang tag-iya sa Ande’s Beauty and Wellness Products Shop.
Si Police Staff Sgt. Rico Reboquio, sa Sta. Fe Police Station nga nahinabi sa Superbalita Cebu, nagkanayon nga si Illut nangayo nilag abag human gi-hold nila si Villacarlos.
Sumala pa ni Reboquio nga si Vilacarlos uban sa iyang higala misulod sa tindahan kay namalit og beauty products.
Samtang namalit ang kaubang babaye, si Villacarlos namili sab.
Apan giingong gisekreto niyag sulod sa iyang shoulder bag ang usa ka sachet nga Sunscreen Gel-cream ug usa ka sachet nga Abbone Spa Milk Salt nga P180.