Usa ka 23 anyos nga lalaki ang gireklamo sa usa ka babaye tungod sa paghikap sa iyang sampot sa dan Sanciangco, Barangay Kalubihan, siyudad sa Sugbo niadtong Sabado sa gabii, Hulyo 29, 2023.
Nabalhog sa selda sa Carbon Police Stataion mao si Angelo Esguera, construction worker ug taga dakbayan sa San Carlos sa Negros Occidental.
Si Esguera gialarmahan sa mga polis sa Carbon dihang nagpatabang ang usa ka babaye nga gikan nanisko sa nahisgutang lugar kay gihikap sa suspek ang sampot niini.
Matod pa, ang suspek giingong hubog kini dihang naglakaw sa dalan.
Samtang ang mga polis nga miresponde sa dapit, naglisod sa pagposas sa suspek tungod kay nagmagahi kini.
Ang dinakpan, sa iyang habig, nihimakak sa reklamo ug niingon nga basin iyang mga higala ang nanghikap og sampot apan siya maoy napasanginlan.
Reklamong kalapasan sa Article 151 sa Revised Penal Code o Resistance and Disobedience to a person in Authority or the Agents of such person ang gikatakdang ipasaka karon, Lunes, Hulyo 31, 2023, sa korte.