NAVAL, Biliran -- Nagdeklarar na og class suspension sugod kagahapon, Agusto 27, ang mayor sa lungsod sa Naval, lalawigan sa Biliran nga si Gerard Espina.
Kini tungod sa way hunong nga uwan sa Naval epekto sa bagyong Jenny.
Giandam na usab ang gymnasium ug mga tent para sa mga evacuees.
Ang Department of Public Works and Highways (DPWH) ug kagamhanan sa Naval ang misusi karon sa naguba nga spillway sa Caraycaray.
Matod sa post sa Mayor sa iyang Facebook account, ang Provincial DPWH mo release og emergency fund para pag ayo sa spillway aron makaagi ang mga truck paingon sa downtown Naval.
Giabisohan usab sa Mayor ang mga kapitan sa pag andam sa mga generator basin dunay brownout.
Subay niini, ang Philippine Coast Guard Eastern Visayas niingon nga padayun gihapon ang mga biyahe sa barko.
Giabisohan ang mga mananagat sa pag amping sa paglawig gumikan sa di matag-an nga panahon. (JKDP)