Negusyante namatay human gipusil sa makadaghan sa wa mailhing gunman alas 4 sa hapon sa Lunes, Hulyo 10, 2023 sa Purok Calabasa, Brgy. Cambubho, dakbayan sa Danao.
Ang biktima giilang si Gino Pasana Durano, 45, minyo, softdrinks retailer, nagpuyo sa lugar. Siya namatay diha-diha tungod sa mga samad pinusilan.
Si Police Lt. Col. Clark Arriola, hepe sa Danao City Police Station nga nahinabi sa Superbalita Cebu sa Martes, Hulyo 11, nagkanayon nga si Durano diha sa gawas sa ilang balay.
Nakadungog ang iyang mga silingan og sipa nga mga buto sa armas.
Sa ilang pagsusi sa gigikanan sa mga buto, ilang nakit-an ang biktima nga nagbuy-od, naligo sa dugo.
Gibutyag ni Arriola nga duna na silay person of interest ug ang motibo sa krimen personal nga panagbangi. (GPL)