Ang pagsaulog sa Miyerkules sa Badlis dili lamang gituyo aron ipakita sa mga tawo kon unsa sila ka matinud-anon, apan usa ka pagdapit sa pagbalik sa Diyos sa tibuok nilang kasingkasing.
Mao kini ang gisulti ni Bishop Midyphil B. Billones, auxiliary bishop sa Archdiocese of Cebu, sa iyang pagpangulo sa Ash Wednesday Mass sa National Shrine of St. Joseph Church sa Mandaue City sa Miyerkules sa buntag, Pebrero 22, 2023.
Namalandong si Billones sa Espanyol nga panultihon nga “eres polvo y al polvo volverás,” nga gihubad nga “Kay abog ka, ug sa abog ka mobalik,” nga nagpahinumdom sa mga tawo sa pagpadayon sa pagkamapainubsanon.
Siya niaghat sa mga tawo sa pagpasalamat nga bisan usa sa mga gamay nga elemento sa Kalibutan ug kon unsa sila ka makasasala, nakadawat gihapon sila sa labing dako nga gugma sa Diyos.
“In Jesus, we find tremendous unconditional love, mercy, and forgiveness. So, even though how negligible we are. Because of his forgiving love, suddenly, we receive so much value and meaning. That’s how special you are that Jesus died for us specs of dust,” matud ni Billones.
Gitambagan niya ang mga tawo nga mopaubos sa garbo ug itugyan ang ilang pagkamakasasala, pagkadili takus, ug pagpaubos ug pasayluon sa panahon sa Kwaresma.
“Let us put God in the center of our prayers, in the center of our appetites. We should sacrifice for a better-sculpted soul and heart,” siya nagkanayon. (HIC)