Isibog ni Mandaue City Treasurer’s Office head ug Lawyer Regal Oliva ang mga kaso nga gipasaka sa iyang kampo batok sa netizen nga si Roch Dungog human ang naulahi nibisita sa iyang opisina ug nangayo og pasaylo sa publiko kalabot sa iyang kontrobersyal nga post sa social media niadtong Martes, Agusto 1, 2023.
Matod ni Oliva sa Huwebes, Agusto 3, nga moluwat sila og affidavit of desistance o written statement nga dili na sila interesadong moduso og reklamo ug maghuwat sa City Legal nga mopasaka niini.
Si Oliva niingon nga si Dungog niadto sa iyang opisina aron mangayo og pasaylo ug ni-post sa iyang public apology sa samang adlaw.
Sa samang paagi, matod niya nga giedukar usab niya ang netizen sa gipatigbabaw nga Anti Discrimination ordinance sa Siyudad alang sa kaamgohan ni Dungog.
“As we always say that ignorance of the law excuses no one, but then again, sometimes you have to repeat interposing and injecting the law in the minds of our constituents so that they would truly understand the spirit of why we are doing it and we have such laws in our locality. I am happy of the progress of the whole situation,” matod ni Oliva.
Sa iyang pagtapos, si Dungog, sa iyang apology video nga gi-post, niangkon sa iyang pagka-iresponsable ug kakuwang sa kaamgo sa kaugalingon bahin sa iyang post sa social media ug giawhag ang publiko nga hatagan og dakong gugma ug pagsabot sa LGBTQ+ nga komunidad.
“I would like to apologize for my irresponsibility and lack of self-awareness of me for posting such a thing. Even though it is a question out of ignorance but it did hurt a lot of people, especially members of the LGBTQ community and in Mandaue City,” tipik sa iyang apology video.
Kahinumdoman, si Dungog ni-post og hulagway sa mga pride flag nga adunay caption nga “Ga bayot2 naman lge nig Flag ang Mandaue (Why Mandaue’s flag is so gay)?” niadtong Hunyo 15.
Ang post, nga gi-delete dayon, nag-viral ug nakadawat og daghang mga pagsaway gikan sa LGBTQ+ nga mga komunidad, apil na si Oliva, kinsa nipasaka og kaso batok kang Dungog tungod sa paglapas sa Safe Spaces Act o Republic Act no. 11313 ug Anti Discrimination Ordinance sa Dakbayan atubangan sa Mandaue City Prosecutor’s Office mga usa ka buwan human niadtong Hulyo 11.
Gipasiugda sa City Treasurer nga ang pulong nga “bayot-bayot” nga gigamit sa post daw mas makauuwaw nga sulti kay sa pangutana lang, kay mora’g negatibo kini.
Si Dungog, pinaagi sa usa ka mensahe sa chat nga gipadala ngadto sa media, nipasabot nga ang iyang post wala gitumong aron makapasakit ni bisan kinsa, ug nidugang nga dili maayo nga dunay pipila ka mga tawo nga nipili sa pagsabwag sa pagdumot. (HIC)