Operator og taxi, PUJ gitulis, gipatay

GIPATAY: Gisusi sa mga personnel sa Scene of the Crime Operation (SOCO) ang lawas ni Virgilio Wasquin, 64, biyudo, kinsa gituohang gitulis ug gipatay. Ang biktima operator sa mga PUJ ug taxi, nag-inusara nga nagpuyo sa iyang balay sa Salvador St., Labangon, dakbayan sa Sugbo.
GIPATAY: Gisusi sa mga personnel sa Scene of the Crime Operation (SOCO) ang lawas ni Virgilio Wasquin, 64, biyudo, kinsa gituohang gitulis ug gipatay. Ang biktima operator sa mga PUJ ug taxi, nag-inusara nga nagpuyo sa iyang balay sa Salvador St., Labangon, dakbayan sa Sugbo.

Nabulabog ang mga residente sa Salvador St., Brgy. Labangon, Siyudad sa Sugbo human nakaplagan nga patay sa mga alas 7 sa buntag sa Sabado, Septiyembre 30, 2023, ang usa ka negusyante sulod sa iyang balay.

Gituohan nga gitulis ug gipatay ang biktima kay duna kiniy samad pinusilan sa agtang samtang dunay mga butang nga nangawala.

Si Police Major Angelito Valleser, hepe sa Labangon Police Station sa Cebu City Police Office, niila sa biktima nga si Virgilio Wasquin, 64, biyudo, giingong tag-iya og PUJ ug taxi units.

Matod ni Valleser nga ang biktima nag-inusara’ng nagpuyo sa iyang balay nga daplin lang sa karsada sa maong dapit.

“Pero naa na siyay anak nga naa ra sa unahan, pikas balay” butyag ni Vallser sa interbyo sa Superbalita Cebu sa Sabado pinaagi sa telepuno.

Siya nidugang nga niadto sa balay sa iyang amahan ang lalaki nga anak ug ang drayber, apan nakugang sila human nakaplagan si Wasquin nga patay na.

Duna kini samad pinusilan sa agtang ug kay nanggahi na, gituohan nga pipila ba ka oras sukad kini gipatay.

Matod ni Valleser nga may CCTV ang balay sa biktima apan gipangkuha ang memory card nga magamit unta sa pag-ila ug pagtino kon nag-inusara ba ang tulisan.

Gibana bana nga P70,000 nga cash ug P100,000 nga balor sa mga alahas ang nangahanaw gikan sa balay.

“I-determine pa, mo conduct pa og autopsy,” ang kapulisan, matod ni Valleser.

Nagdumili na siya sa paghatag og dugang mga detalye kay nagpadayon ang ilang paspas nga imbestigasyon. 

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph