Our Lady of Antipolo i-promote sa Pilipinas ngadto sa Vatican

Our Lady of Antipolo i-promote sa Pilipinas ngadto sa Vatican

Kapin sa usa ka tuig human gideklarar ang Antipolo Cathedral isip unang internasyonal nga shrine sa Pilipinas, ang Vatican gikatakdang masayod og dugang mahitungod sa debosyon sa nasod ngadto sa Our Lady of Peace and Good Voyage.

Sa report sa Radio Veritas nga gipadagan sa Simbahan, si Antipolo Cathedral Rector Fr. Reynante Tolentino nibutyag nga gikatakda niyang ipresentar atubangan sa Dicastery for Evangelization ang debosyon sa Marian image, nga niabot sa nasod niadto pang 1626.

“It is a huge honor for me as a priest, and for the Antipolo Cathedral as an international shrine. We thank the Lord for the opportunity to share the Our Lady of Antipolo with the world,” matod ni Tolentino.

Sumala sa taho, ang presentasyon ipahigayon atol sa Second Conference for Rectors of Shrines nga gitakda gikan sa Nobiyembre 9 hangtod 11, 2023 sa Vatican.

Niadto pang Hunyo 2022 dihang giaprobahan sa Vatican ang petisyon sa Diocese of Antipolo alang sa Antipolo Cathedral nga mahatagan og status nga international shrine.

Ang Antipolo Cathedral, hinuon, opisyal nga niasumer sa bag-ong status niini isip internasyonal nga shrine kaniadtong Marso 25, 2023.

Ang bag-ong status, unya, naghimo sa Antipolo Cathedral nga unang internasyonal nga shrine sa nasod, ang ika-3 sa Asia, ug ang ika-11 sa tibuok kalibutan.

Ang mga rekord sa kasaysayan nagpakita nga ang Our Lady of Peace and Good Voyage niabot sa kabaybayunan sa Pilipinas gikan sa Mexico balik niadtong Hunyo 18, 1626, human sa tulo ka bulan nga paglawig nga gihapak sa mga bagyo ug hapit pa usab masunog. (HDT sa SunStar Philippines)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph