Dili mominos P1.7 milyunes ang nasakmit nga balor sa shabu sa sunodsunod nga pagpangronda sa kapulisan sa dakbayan sa Sugbo sa Miyerkules, Disyembre 16.
Ang anti-illegal drugs operation gihimo subay sa giimplementar nga synchronized enhance management operation (Sempo) sa Cebu City Police Office (CCPO).
Sa kinatibuk-an, lima ka mga durugista ang nadakpan sa managlahi nga dakop sa dakbayan.
Tulo ang nadakpan sa pagronda sa mga sakop sa Regional Drug Enforcement Unit (RDEU)-7 sa Police Regional Office (PRO)-7 ubos sa kamanduan ni Police Lieutenant Colonel Benedict Poblete, pangulo sa RDEU-7.
Unang nadakpan sila Roseller Jabilos, 34, kargador sa pier ug molupyo sa Barangay Day-as nga target sa ronda ug nasiko usa ang kauban niini nga si John Dave Yano, 29, mekaniko ug molupyo sa Sityo Caduloy sa Barangay Tisa. / BBT