Atol sa pagbukas sa KADIWA Pop-up Store nga gipahigayon sa Lapu-Lapu City Hall Grounds niadtong Huwebes, Marso 26, 2026, moabot sa 250 ka mga residente ang nakapahimulos sa barato nga bugas.
Ang matag benepisaryo ang nakadawat og tag-10 ka kilo nga bugas diin gihatagan og prayoridad ang mga solo parent ug Senior Citizens. Gitagan-an og 100 ka sako sa bugas ang gipagawas sulod sa duha ka adlaw nga kalihukan niadtong Marso 26-27.
Ang pagpang-apudapod gipasiugdahan sa Department of Agriculture Regional Field Office 7 ug ang National Food Authority, inabagan sa city government sa Lapu-Lapu ubos sa pagdumala ni Mayor Cindi King Chan./ 𝘓𝘢𝘱𝘶-𝘓𝘢𝘱𝘶 𝘐𝘯𝘧𝘰𝘳𝘮𝘢𝘵𝘪𝘰𝘯 𝘖𝘧𝘧𝘪𝘤𝘦