Ang presensiya sa El Niño wa magpasabot nga walay pag-ulan, matod sa usa ka opisyal sa Philippine Atmospheric, Geophysical and Astronomical Services Administration (Pagasa).
Gideklarar sa Pagasa niadtong Hulyo 4 ang pagsugod sa El Niño nga gipaabot nga molungtad hangtod sa unang quarter sa 2024.
Si Engr. Si Alfredo Quiblat, pangu sa Pagasa sa Visayas, niingon sa interbyo sa SunStar Cebu niadtong Martes, Hulyo 11, nga ang El Niño phenomenon dili ang pagkawala sa uwan, kon dili ang kakuwang niini.
"El Niño means lack of rain, not an absence of rain," pagpasabot ni Quiblat.
Nagpasabot nga duna gihapoy mga pag-uwan apan panagsa na lang, di sama sa nanglabay nga katuigan nga naglabi ang mga adlaw sa pag-uwan itandi sa ting-init.
Gipaabot nga dunay epekto sa supply sa tubig ang El Nino busa ang kagamhanan naghimo na og mga lakang sa pagpangandam. (Kyle Andrei D. Acuña, NWSSU Intern)