Ang barangay health workers (BHWs) padayon nga kasandigan sa primary healthcare system sa nasod ug direktang kutay sa unang panginahanglan sa serbisyong medikal sa katawhan sa dapit.
Isip unang linya sa depensa sa serbisyo bahin sa panglawas, ang Kapit-Bisig Laban sa Kahirapan Comprehensive and Integrated Delivery of Social Services (Kalahi-CIDSS) sa Department of Social Welfare and Development (DSWD) nagtuo nga kini nagdala og dakong responsibilidad sa pag-atiman sa komunidad.
Uban sa dugang pinansiyal nga gipatuman sa 2021 hangtod sa 2023, ang programa nagpadayon sa pagsuporta dili lang sa local government units (LGUs) apan ngadto usab sa capacity-building alang sa volunteers ug sectoral groups nga kritikal sa pagtubag sa tabang sa mga kabus nga naapekihan sa pandemiya.
Sa Aloguinsan, Cebu, tungod sa ilang limitado nga pagkuha sa medical care, ang Kalahi-CIDSS ubos sa Phase 1 sa iyang Additional Financing nihatag sa upat ka barangay health stations ug usa ka isolation facility uban sa kahimanan, medical ug disinfectant tools, equipment, ug komunikasyon nga gikinahanglan sa operasyon sa pasilidad.
Kini nga pasilidad nga moabag sa LGU’s basic health services ug gisuportahan sa ubang ahensiya sa pagpalambo sa serbisyo.
Ang BHWs ipang-apud-apod sa maong pasilidad hatagan og igong pagbansay sa serbisyo lakip sa community building ug environmental safeguards.
Si Bonbon Barangay Kapitan Owen A. Manguilimotan nipadayag nga ang programa sa KALAHI-CIDSS nakatabang sa panginahanglan sa iyang barangay.
“Despite the many areas where medical care is most needed, DSWD continues to capacitate our people with the right training, and it is an added value for our BHWs as they voluntarily render their time and efforts in the delivery of health care services,” matod sa Kapitan.
Ang pag-apil sa KALAHI-CIDSS dili lang sa pagpalambo sa kapasidad, naglakip usab sa interpersonal ug behavioral skills sa pag-andam kanila sa mga hagit sa umaabot.
“While we encourage that these projects be sustained and be used for many generations to come, KALAHI-CIDSS of DSWD hopes that they will carry the vision of Aloguinsan for a better and inclusive society,” matod ni Helen C. Ybañez, program Community Development Officer IV.
Samtang, ang lokal nga kagamhanan sa Aloguinsan nipadayag usab sa ilang paghangop sa programa nga nagtabang sa komunidad bahin sa ilang primary healthcare services samtang nagpatunhay sa paghatag og igong gahom sa kababayen-an ug basic healthcare providers. (PR)