Giduso na sab ni Senador Risa Hontiveros ang pagpasar sa usa ka balaudnon nga nagtinguha nga mahimong legal ang dibursyo sa nasod.
Si Hontiveros, chairperson sa Senate Committee on Women, Children, Family Relations, and Gender Equality, niingon nga panahon na nga ipasar sa Senado ang Senate Bill 147, o ang Dissolution of Marriage Act, nga iyang gi-author, nga nag-ingon nga ang mga babaye nakasinati og domestic abuse “nagkinahanglan og legal nga lakang.”
Matod niya mapanalipdan usab niini ang mga bata gikan sa kasakit, kabalaka, ug trauma nga mahimong makuha pinaagi sa pagsaksi sa regular nga panag-away sulod sa kaminyuon.
“Some Filipino women have almost been killed by their own husbands. But most of them cannot leave their marriages because of the prohibitive costs of filing for an annulment. Bigyan na natin ang ating mga kababaihan ng pagkakataong makalaya sa masalimuot at abusadong pagsasama. Bigyan natin sila ng oportunidad na mahalin at magmahal muli. Ipasa na ang Divorce Bill (Ang ubang mga babayeng Pilipino hapit na mapatay sa ilang kaugalingong mga bana. Apan kadaghanan kanila dili makabiya sa ilang kaminyoon tungod sa kamahal sa gasto sa pag-file og annulment. Hatagtan nato sila og oportunidad nga higugmaon ug magmahal pag-usab. Ipasa na ang Divorce Bill),“ matod sa senador.
“When a marriage becomes irreparable, it is incumbent upon the State to not only provide relief to spouses, but also protect children from the pain, anxiety, and trauma of witnessing regular marital clashes. Let us give Filipino families the chance to let go of toxic relationships,” (“Kon ang kaminyuon dili na mamaayo, katungdanan sa Estado nga dili lang maghatag og kahupayan sa mga kapikas, apan panalipdan usab ang mga bata gikan sa kasakit, kabalaka, ug trauma sa pagsaksi sa kanunay nga panag-away sud sa kaminyuon, makahilo nga mga relasyon),” dugang niya.
Gikutlo ni Hontiveros ang 2017 National Demographic and Health Survey nga gihimo sa Philippines Statistics Authority nga nagpakita nga usa sa matag upat ka minyo nga babaye nga nag-edad og 15 ngadto sa 49 anyos nakasinati og pangabuso sa bana, pisikal, sekswal, o emosyonal.
Namatikdan usab niini nga kadaghanan sa mga miuyon sa pagsugod sa diborsyo mga babaye.
Ang surbey nga gihimo sa Social Weather System niadtong 2017 nagpakita usab nga labing menos lima sa matag 10 ka hamtong nga mga tawo pabor sa pag-legalize sa dibursyo. (TPM sa SunStar Philippines)