OTSENTA porsyento na nga gitutokan sa Mandaue City Police Office nga robbery ang motibo sa pagpusil-patay sa Filipino-Chinese national nga si Yi Feng Guo Yang niadtong Father's Day, Hunyo 16.
Kini human nga nahinabi na sa mga imbestigador ang babayeng anak sa biktima ug pipila ka mga kawani sa duha ka tindahan sa mga biktima.
Matud ni Police Colonel Julian Entoma, director sa Mandaue City Police Office, nga sa dihang nahunong sa pagmaneho sa sakyanan, naigo ang biktima sa pagpamusil sa windshield niini.
Usa sa mga mamumuno ang niabli sa pultahan sa driver's side, gipusil si Yang ug gibira ang bag niini.
Gibana-bana nga aduna'y P60,000 ang dalang kwarta sa negosyante, halin sa duha ka tindahan sa lungsod sa Consolacion ug sa Dakbayan sa Mandaue.
Wala usab nahibaw-an ang pamilya ug mga kawani sa ilang tindahan nga nahimong' kontra ni Yang.
Wala'y nailhan ang pamilya nga aduna'y mga kontra si Yang.
Gihulagway sa pamilya nga low-profile lang si Yang, hinunhdan nga kini pa ang mangunay sa pag-drive sa ilang L300 van nga dala ang panel, diin lulan ang mga gamit nga ipangbaligya.
Sama pa ni Entoma nga mga eksperto nga robbery group ang maong mga tulisan.
Tungod niini nabuhi ang ilang pagduda nga posibleng anaa pa sa palibot sa Barangay Cubacub ang mga grupo sa mga tulisan sa Kuratong Baleleng.
Kini karon ang usa sa gisusi ug gipalawman pag-ayo sa imbestigador pag-ila sa mga responsable sa pagpusil sa Fil-Chinese nga si Yang ug nasamdan pa ang duha niini ka mga anak atol sa insedente niadtong' Domingo sa gabii, Hunyo 16. (Superbalita Cebu)