GIKANSELAR ni Mandaue City Mayor Jonas Cortes ang tanang mga aktibidades nga adunay kalabotan sa pagsaulog sa Panagtagbo Festival sa dakbayan tungod sa padayong pakigbatok sa pandemya.
Matod ni Cortes nga ingrande unta ang pagsaulog sa Panagtagbo Festival sa dakbayan sa Mandaue karong tuiga labi na nga magsaulog sab ika-500 ka tuig sa Kristyanismo sa Sugbo.
Ang Panagtagbo Festival ang pagsaulog sa pagtagbo sa Holy Family sa adlaw nga ang imahe ni Señor Santo Niño, Our Lady of Guadalupe ibalhin sa National Shrine of Saint Joseph alang sa Traslacion.
Niadto, saulogon ang Panagtagbo Festival pinaagi sa street dancing ug mga ritual showdown.
Gan kada Traslacion, daghang mga Mandauehanon ang musugat gyud og muduaw sa mga imahe nga ibutang sa Parokya ni St. Joseph.
"Nindot unta kaayo ang atong activities nga gikan sa traslacion, fluvial, sa kasaulogan sa sinulog nya padung sa 500 anniversary sa christianity," sigon ni Cortes. (KFD)