Sulod sa mga dekada, ang pagpugong sa dengue fever sa Honduras nagpasabot sa pagtudlo sa mga tawo nga mahadlok sa lamok ug likayan ang ilang pinaakan.
Karon, ang mga Honduran giedukar bahin sa usa ka posible nga labi ka epektibo nga paagi aron makontrol ang sakit - ug nasukwahi kini sa tanan nga ilang nakat-unan.
Mao kini ang rason kon ngano nga usa ka dosena ka mga tawo ang nalipay sa miaging bulan samtang ang taga-Tegucigalpa nga si Hector Enriquez nagkupot sa usa ka bildo nga garapon nga napuno sa mga lamok sa ibabaw sa iyang ulo, ug dayon gibuhian ang naghadyong nga mga insekto sa hangin.
Si Enriquez, usa ka 52-anyos nga mason, miboluntaryo sa pagtabang sa pagpahibalo sa usa ka plano sa pagsumpo sa dengue pinaagi sa pagpagawas sa minilyon ka espesyal nga mga lamok sa kaulohan sa Honduras.
Ang mga lamok nga gibuhian ni Enriquez sa iyang kasilinganan sa El Manchen - usa ka lugar nga puno sa dengue - gipadako sa mga scientist aron magdala og bakterya nga gitawag nga Wolbachia nga makabalda sa pagpanakod sa sakit.
Sa diha nga kini nga mga lamok mosanay, ilang ipasa ang bakterya ngadto sa ilang mga anak, nga makapamenos sa umaabot nga mga outbreak.
Kining nitumaw nga estratehiya alang sa pakigbatok sa dengue gipasiugdahan sa miaging dekada sa non-profit nga World Mosquito Program, ug kini gisulayan sa kapin sa usa ka dosena ka mga nasod./AP