Partido Reporma-Cebu nagsuporta na kang Leni

SUPORTADO sa Partido Reporma-Cebu ang desisyon sa ilang national leadership sa pagpaluyo sa kandidatura ni Vice President Leni Robredo sa pagka presidente sa Mayo 9, 2022 nga election.

Si Arnold Romaguera, chairman sa Partido Reporma-Cebu, nagkanayon nga ang local officials sa Sugbo ug ilang mga kaalyado ningkampanya ug ningsuporta na sa kandidatura sa Bise Presidente.

“ We agree with our party president, Congressman Pantaleon Alvarez, that we need a leader. For the 2022 presidential elections, given all these considerations and the crisis we have to overcome, that leader is a woman. Her name is Leni Robredo,” padayag ni Romaguera.

Gipadayag ni Romaguera nga ang electoral alliances dili na bag-o sa pulitika sa Pilipinas ug nakumbinser sila sa liderato ni Robredo.

“As the campaign is moving forward, the party have discovered that Robredo’s platform and programs are clear and specific that resonates the Filipinos aspirations to have a good governance and a leader with integrity,” dugang niya.

Giangkon sa chairman sa Partido Reporma sa Sugbo nga lig-on usab ang ilang kontra sa pulitika, apan karon nga nagkumboya na ang ilang pwersa uban sa grupo ni Robredo, dako ang ilang kahigayunan sa umaabot nga piniliay labi na dinhi sa Sugbo.

Si Robredo nidaog ug nilabaw og kapin 500,000 batok ni Bongbong Marcos sa 2016 vice presidential elections.

Karon subli na usab silang magtigi, apan sa labing taas na nga posisyon sa nasod.

Unom ka adlaw na ang nakalabay, si Alvarez, presidente sa Partido Reporma, nianunsyo sa pagbalhin sa ilang suporta ngadto kang Robredo hinungdan nga si Senador Panfilo Lacson nga maoy una nilang gituboy ni-resign isip chairman sa partido.

Ang kanhi House Speaker nagkanayon nga ang ilang suporta kang Robredo mao ang pagpakigbatok sa diktadoriya sanglit ang lig-on nga kaatbang mao si Marcos Jr., anak ni anhing Presidente Ferdinand Marcos Sr.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph