Gipahimangnoan sa Cebu Provincial Disaster Risk Reduction and Management Office (PDRRMO) ang mga residente sa Sugbo nga magmatngon ug maniid sa palibot ilabi na kon magbunok ang uwan.
Kini human nga moabot sa duha ka mga coastal barangay sa lungsod sa Badian ang nakasinati sa pagbaha tungod sa kusog nga bunok sa uwan sa Agusto 31, 2022.
Gikompirmar sa Cebu Provincial Disaster Risk Reduction and Management Office (PDRRMO) nga nasinati ang pagbaha sa barangays Banhigan ug Matutinao sa alas 9:30 sa gabii.(Lahi nga estorya sa pahina 4.)
“Maminaw ta pirmi sa Pagasa kay inig pagawas sa weather advisories, parehas sa localized thunderstorms kay di man ta makatag-an sa panahon. Especially kaning sa lowland, labi na sa kasapaan nga mosaka gyud na dihang dapita,” matod ni Ramos pinaagi sa tawag sa Septiyembre 1, 2022.
Subay ning pagsuwat, maagian na ang kadalanan.
Giklaro hinuon sa PDRRMO nga ang pagbaha sa lugar dili makonsiderar nga flash flood, apan giingong usa ka regular lang nga pagbaha.
“Actually dili man ma consider nga flashflood kay kusog ang tubig gikan sa bukid ba... kato hitaboa naay thunderstorm advisory sa south ilabi na sa Badian unya naay nag-construction ba, pagkusog sa uwan nabanlas ang mga bato, ang mga yuta sa taas,” daugang ni Ramos.