NIPASIUGDA og usa ka forum ang Philippine Charity Sweepstakes Office (PCSO) uban sa Philippine National Police (PNP) aron sila magkasinabtanay may labot sa operasyon sa Small Town Lottery (STL) sa lalawigan sa Sugbo.
Ang pagpatawag sa PCSO gipangulohan ni Federico Damole, department manager sa PCSO Visayas ug Glen Jesus Rada, branch manager sa PCSO, aron mahatagan og katin-awan ang isyu nga naglimin sa operasyon sa Saturn Gaming N' Amusement Corporation nga maoy akreditado STL sa lalawigan sa Sugbo.
Si Hernando Sta. Ana Jr., operation manager sa Saturn Gaming nagkanayon nga gidakop sa mga pulis sa siyudad sa Sugbo ang ilang mga usher ug gibalhog sa prisohan hinuon ila na kining nalukat pinaagi sa kapin P200,000 nga piyansa.
"Mayroon kaming kaso na nangyari sa Toledo and Bogo in which the mayor issued ceased and desist order. They used the police to implement the CDO. That forum was designed to orient, enlighten and educate the chief of police," padayag ni Sta. Ana.
Si PSSupt. Manuel Abrugena maoy usa sa mga nilingkod isip panelist, kauban silang Atty. Joan Largo nga maoy legal counsel sa Saturn Gaming aron motubag sa mga pangutana sa mga police chief gikan sa lainlaing lungsod sa Cebu.
Si Largo nipasabot nga dili sila gusto nga kontrahon ang mga pulis ug local chief executives sanglit sila kay magkatambayayong. (PAC)