Taliwa sa programa nga maminusan ang mga plastic nga basura sa lungsod sa Daanbantayan, gihingusgan sa Municipal Environment and Natural Resources (Menro) ang “Ecobricks Mo, Bigas Ko” program.
Sa maong programa, mahimong ilisdan sa Menro ang usa ka kilo nga ecobricks og usa ka kilo nga bugas.
Ang ecobricks ginama sa biya nga plastic nga himuong reusable blocks nga magamit sa pagtukod og building.
Matod pa sa gipahibalo sa lokal nga kagamhanan sa lungsod, magdepende ang gidaghanon sa madawat nga bugas sa matag indibidwal sa gidaghanon usab sa ecobricks nga ilang gihatag.
Modawat ang Menro og ecobricks nga gisulod sa 200ml swakto bottles hangtod sa 2-liter bottles.
Subay niini, giawhag sa lokal nga kagamhanan ang mga residente nga makig-alayon sa matag barangay alang sa schedule sa pagpanghatag.
Ang ecobrick usa ka paagi sa pagdumala sa solid waste kon diin isulod ug isansan sa plastic bottle ang mga linabay nga plastik.