PLDT-Smart Ligtas Kits gidonar sa 3 ka LGUs sa Bantayan island

    PLDT-Smart Ligtas Kit / tampo
PLDT-Smart Ligtas Kit / tampo

Ang PLDT uban sa iyang wireless unit, Smart Communications, Inc., nitunol sa Ligtas Kits ngadto sa tulo ka mga lungsod sa isla sa Bantayan, amihanan sa lalawigan sa Sugbo.

Ang coastal municipalities sa Bantayan, Santa Fe, ug Madridejos mao ang unang local government units (LGUs) sa Sugbo nga nakadawat sa Ligtas Kits.

Ang PLDT-Smart Ligtas Kit usa ka all-in-one package nga gitumong sa pagsuporta sa LGUs ug disaster response agencies uban sa emergency communication devices, diin naghimo nga daling makatubag sa mga emerhensiya sa komunidad.

Ang Ligtas Kit naghatag sa makatabang nga kahimanan alang sa disaster preparedness ug response.

Kini nagpakita sa paningkamot sa pag-innovate ug leverage sa PLDT ug Smart services sa pagpalig-on sa lakang sa LGUs ug sa pag-abag sa katawhan sa panahon sa krisis, sumala ni Marylou Gocotano, pangu sa Visayas Relations under Stakeholder Management sa PLDT ug Smart.

Gisud sa lig-ong case, ang matag kit dunay power station, solar panel, rechargeable handy megaphone, crank radio, satellite phone (SmartSAT) uban sa initial load, smartphone, Smart LTE pocket Wi-Fi, rechargeable flashlight, ug whistle.

Atol sa turnover, gitambongan kini sa municipal mayors ug ilang Disaster Risk Reduction and Management head nga sila si Mayor Arthur Despi ug Bantayan DRRMO head Erwin Tinga sa LGU Bantayan; Mayor Romeo Villaceran ug DRRMO head Jessie Estellore sa LGU Madridejos; ug Mayor Ithamar Espinosa ug DRRMO head Leah Escarlan sa LGU Santa Fe.

Ang PLDT-Smart Ligtas Kit kabahin sa dugay nang adbokasiya nga #SafeandSmart sa PLDT group, ug iyang pagka komitado sa pagpalambo sa preparedness ug daling pagtubag sa emerhensiya pinaagi sa walay bugto nga linya sa komunikasyon, mobile solutions, ug mga kalihokan sa pagpangandam.

Kini nga paningkamot nag-ila sa pagka komitado sa PLDT ug Smart sa pagkab-ot sa UNSDGs, labina sa SDG #11: Sustainable Cities and Communities. (PR)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph