Ang PLDT Inc. (PLDT) ug Smart Communications, Inc. (Smart) nakighiusa sa Armed Forces of the Philippines (AFP) sa pagpalapad sa pagkab-ot sa labing unang mobile e-learning hub sa AFP.
Pinaagi sa donasyon sa usa ka School-in -a-Bag (SIAB) program, nahimo ang pagdala og inklusibo nga kalidad sa edukasyon sa mga komunidad nga lisod maabot.
“Together with the dedicated men and women of AFP, we are on a mission to bridge the educational gap and empower underserved communities through the SIAB and the AFP’s Mobile E-Learning Hub. Inspired by our shared mission of making sure that no learner is left behind, we help shape futures and build a stronger nation—one bag, one community at a time,” matod ni Stephanie Orlino, AVP ug head of Stakeholder Management sa PLDT and Smart.
Gitakdang maabot ang labing layo nga suok sa Visayas, ang Mobile E-Learning Hub sa AFP nagtumong sa pagpalambo sa information and communications technology-related skills training, online nga edukasyon, serbisyo sa gobiyerno, ingon man mga oportunidad sa panarbaho ug upskilling nga mga programa alang sa marginalized nga komunidad.
Samtang, ang PLDT ug Smart’s SIAB nagtrabaho isip usa ka portable digital classroom nga gidesinyo aron mapadali ang batakang edukasyon, ilabina sa mga suok nga dapit.
Ang matag bag dunay usa ka laptop, mga tablet nga preloaded sa Smart’s #LearnSmart nga mga aplikasyon nga naggamit sa lumad nga pinulongan sa mga estudyante, ug uban pa.
“I thank everyone who has contributed in our noble efforts and has always believed in the power of education and technology. May we continue to embark on this journey empowered by the knowledge that through innovation and collaboration we can further uplift our beloved nation and pave the way for a brighter future,” pamahayag ni Vice President ug DepEd Secretary Sara Z. Duterte, atol sa ceremonial launching sa E-Learning Hub sa AFP.
Sukad sa paglusad niini niadtong 2016, ang Smart naka-deploy na og kapin sa 500 ka SIAB packages sa tibuok nasod.
Sa pagkakaron, ang programa nidangat na ngadto sa kapin sa 100,000 ka mga estudyante ug nakabansay na og kapin sa 4,000 ka mga magtutudlo.
Ang School-in-a-Bag nagpasiugda sa makanunayon nga kontribusyon sa PLDT ug Smart sa inklusibo nga kalidad nga edukasyon pinaagi sa Information and Communication Technology, content, pedagogy, ug capacity building aron masiguro nga adunay #NoLearnerLeftBehind.
Kini nga mga paningkamot nagpasiugda usab sa pasalig sa grupo sa PLDT sa pagtabang sa Pilipinas nga makab-ot ang United Nations Sustainable Development Goals (UNSDG) No. 4 sa Inclusive Quality Education. / PR